Contraceptives

استعرض الموضوع السابق استعرض الموضوع التالي اذهب الى الأسفل

Contraceptives

مُساهمة  Asmaa Elseknedy في الإثنين سبتمبر 12, 2011 3:42 am

دى شوية نوتس صغيرة كده هنشوف فيها اهم الحاجات فى موضوع ال

contraception وال menstruation disorders


اول حاجة وسائل منع الحمل طبعا كتيرة ومنها الاقراص او الحقن اللى هنركز عليها دلوقتى

عندنا نوعين من الكونتراسيبتف اول نوع يطلق عليه احادية الهرمون ليه ؟

لانها بتحتوى على بروجيستيرون فقط طب الحاجات دى زى ايه فى السوق ؟

cyclogest

Duphastone

Lutone

Progest

Prontogest

Utrogestan

وعلشان نبقى متفقين من الاول كل الكلام هيبقى على حسب التركيز والجرعات يعنى هتلاقى الاستخدامات بتاعتهم كتير وهنشوف ازاى



النوع التانى

اللى هى المركبة او الكومبايند ليه بقى ؟

لانها بتحتوى على بروجيستيرون +استروجين

وده افضل لانه بيقلل كتير من الside effects اللى موجودة فى النوع الاول


زى ايه بقى الاثار دى ؟

زيادة الوزن بمعدل ملحوظ حوالى نص كيلو فى الاسبوع كمان بيحصل مشاكل فى التنفس والاثار دى بتبقى ملحوظة

طيب زى ايه بقى النوع التانى؟

Cycloprogynova

Lutofolone

Kliogest

Gynera

Yasmin

فى بقى contraplan بس ده بيستخدم فى حالات ال emergency يعنى ممكن يتاخد up to 3 days after intercourse



طيب مهم اوى بقى اختيار النوع وتنظيمه مع الدكتور علشان ما يحصلش لخبطة فى الهرمونات ومشاكل وبعدين تضطر انها لو عايزة حمل بتاخد حاجات تنشط الهرمونات اللى باظت وكده فلازم اختيار سليم من الاول تفاديا لكده ولو حصلت المشكلة دى ممكن تؤدى لتكيس فى المبايض ومشاكل اخرى وساعتها يلجأ بقى للكوريومون والفوستيمون وكل الحاجات دى



طيب ازاى بقى البروجيستيرون الموجود فى الحاجات دى بيشتغل او بيعمل ايه بمعنى اصح؟

زيادة البروجيستيرون فى الجسم يؤدى لمنع عملية التبويض وكمان بياثر على بطانة الرحم ويمنع استقرار البويضة المخصبة فيها



طيب فى فرق بقى كمان بين النوع الاحادى والمركب وهو ان فى حالة النوع الاول اللى فيه بروجيستيرون بس استخدامها بيبقى كالاتى اول قرص فى اول يوم للبريود وبعد كده فى نفس الميعاد كل يوم بالظبط ومش بتبطلها خالص والبريود بتيجى عادى اثناءها



فى النوع التانى بقى اول قرص برده فى اول يوم للبريود وبعد كده بتاخده فى نفس الميعاد لمدة 21 يوم وبعدين تبطله 7 ايام خلالها البريود بتيجى عادى برده



طيب دلوقتى خلال رمضان هتلاقى ناس تسال عن حاجة ترفع البريود اللى هى زى السيدولوت نور والبريمولوت نور طبعا بغض النظر انه ما ينفعش تاخدها علشان تصوم وكده الا ان الجرعة بتبقى قرص 3 مرات قبل ميعاد البريود باسبوع



وهنا برده ممكن نسال الحقن احسن ولا الاقراص ؟

اللى عرفته ان الاقراص احسن فى الcumulative effect بتاعها انما ال release من الحقن مش بيكون منتظم




طيب حاجة تانية بقى لو حالة dysmenorrhea ممكن تاخد ايه؟


Lutone

Lutofolone

وبرده البرونتوجيست لان احنا اتفقنا ان ده بيعتمد على التركيز بتاع الدوا اللى مستخدمينه



طيب حتة بقى مهمة على الاثار الجانبية للنوع الاحادى من الاقراص دى هى ان

المفروض اللى هو الطبيعى انه يحصل شيفت من بريود للتانية 3 او 4 ايام اما عند العلاج بالنوع الاحادى ده مش بيحصل يعنى بتبقى المواعيد مظبوطة بالظبط وده طبعا بيأثر على التبويض اللى هو بطبيعته متغير زى ما قلنا

ايام التبويض هى اليوم 13 و 14 و 15 من اول يوم فى البريود)


· حبوب منع الحمل عن طريق الفم المختلطة او المركبه (بروجسترون + استروجين )



زي

(Cilest Gynera , Microcept ,Nordette , Triocept, yasmin)



الادويه دي بتزود الضغط عشان كده لازم الست تقيس ضغطتها كل فترة بحد اقصي 6 شهور للتاكد منه
يفضل انها تتاخد بعد الاكل او مع الاكل عان متعملش مشاكل ف المعدة




منهــــــــــــــــــــــــا نــــــــــــــــــــوعين



1- حبوب منع الحمل لمده 21 يوما

بتتاخد ف اليوم الاول من نزول الطمث
اذا استخدمت الحبوب ف اي وقت غير اليوم الاول من الطمث .... يلزم استخدام وسيله اخري زي

)condoms (

تفضل تستخدم الحبوب لحد م تخلص ال 21 قرص وبعدين تتوقف عن استخدامها امده 7 ايام وبعدين تبدا تاني ف استخدام الحبوب بعد ال 7 ايام دول حتى لو سواء كان فيه نزول لدم الطمث او لا
ممكن ف الفترة (7 ايام ) اللي الست بتبطل فيهم اخد الاقراص يكون فيه دم نتيجه لوقف الحبوب
لو لاحظتوا كده هتلاقوا انه الست بتاخد الحبوب 21 يوم + 7 ايام توقف يعنى كل 28 يوم اي كل اربع اسابيع بتبدا ف علبه جديده وبيكون نفس اليوم من الاسبوع
حاجه اخيره لازم تاخد الحبوب ف نفس الوقت كل يوم و الافضل زي م قلت بعد الاكل



2- حبوب منع الحمل اليومية

بتتاخد كل ليوم لمده 28 يوم وبعدين بنبدا ف علبه جديده م الاول تاني





تعالوا ندرش شويه ونقول كام معلومه مهمين

الحبوب المفروض مش نستخدمها ف حالات الشكل ف وجود حمل او مرضي القلب و السكر و سرطان الرحم و الثدي و اول 6 شهور من الرضاعه
ممكن وارد جدا نزول دم ف فترة التوقف (7 ايام الفواصل دول ) او ف خلال تعاطي السبع حبوب الاولنين
لو الست اللي بتستخدم حبوب منع الحمل بتستخدم ادويه اخري زي بعض المضادات الحيويه زي البنسلين و التتراسيكيلين و مركبات السلفا ...... تستشير الدكتور لان الادويه دي بتقلل تاثير ادويه الحمل وممكن تؤدي الي حمل




لو ست غاب جوزها شويه هل تتوقف عن حبوب منع الحمل و لا لا ؟؟؟؟؟؟؟

لو الغياب ده لفترة اقل من 3 شهور يبقي تفضل تاخد الحبوب عشان ميحصلش عندها مشاكل ف الدورة
لكن لو اكتر من 3 شهور ممكن تتوقف




وطبعا اهم ســـــــــؤال

لو واحده نسيت تاخد حبايه تعمل ايه ؟؟؟


لو نسيت حبايه واحده تاخدها اول م تفتكر علطول و تكمل عادي برضه وتاخد الحبايه بتاع اليوم اللي هي فيه برضه يعنى هتاخد حبايتين ف نفس اليوم ....عااااااااادي جدا و باذن الله هتكون بروتيكتيد الي حد كبير
لو نسيت حبيتن او اكتر بقي .... بتاخد الحبوب و بتكمل برضه بس هنا لازم تستخدم وسيله اخري لمده 7 ايام

و ف الحاله دي بعد لما بتخلص ال 21 قرص مش بتتوقف 7 ايام لا بتبدا علطول ف العلبه الجديده بدون توقف ف المرة دي



حبوب البروجسترون فقط

زي

Exluton Microlut



بتستخدم كل يوم ف نفس المعاد وهي عبارة عن 28 قرص تخلصهم تبدا ف علبه جديده بدون فواصل



ملحوظه مهمه اووووي هنا



تاخير اخد الحبوب عن ماعدها اليومي ب 3 ساعات فقط يعتبر كده نسيت تاخد الحبه و ف الحاله دي بتاخدها و كمان تستخدم وسيله اخري زي الCondom

لمده يومين





كام معلومه عن الحقن كده



حقن منع الحمل

ديبو بروفيرا (أسيتات الميدروكسي بروجستيرون)

حقن ف العضل او الارداف و تمنع الحمل لمده 3 شهور
تعطي بعد 5 ايام من الحيض وتكرر كل 3 شهور
بعد التوقف عن اخد الحقن الحمل بتاخر لفترة قد تصل سنه او اكثر حتى لو عادت الهرمونات الي مستوها الطبيعي

( ملحوظه مهمه فيه دور قالي امه الحقن دي جايه من امريكا ومدعومه من وزارة الصحه ليه مش عارف وقالي انه نسبه العقم اللي بتسببه عاليه اووووووووي بعد التوقف عن تناولها )

لا تستخدم لفترة اكثر من سنتين
بتعمل هشاشه ف العظام لانها بتسحب الكالسيوم من العظام
بتعمل اضطرابات في نزول دم الحيض وممكن مش ينزل كمان و ف الحالات دي لازم تستشير الدكتور بتاعها
يمكن استخدامها ف اثناء الرضاعه
يا ريت محدش يستخدمها افضل



ميزوسيبت

نوريثيستيرون+ استراديول
بتمنع الحمل لمده شهر.

[/i]
[/color]


[/center][/size][/b]

Asmaa Elseknedy

عدد المساهمات : 4
تاريخ التسجيل : 12/09/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: Contraceptives

مُساهمة  mohsen nabil ahmed في الإثنين سبتمبر 12, 2011 4:40 am

تحفه بجد الموضوع ده
تسلم ايدك يا دكتورة اسماء

javascript:emoticonp('lol!')

mohsen nabil ahmed

عدد المساهمات : 1
تاريخ التسجيل : 12/09/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى